Daniele Palmesi, Federico Clemente Gen 2014

NUN SI 'NA FEMMENA

(Bonagura - A. De Curtis - 1951)

Il brano interpretato da Totò
Il brano interpretato da Giacomo Rondinella


Quanto sò belle sti manelle 'e fata
quanto sò belle st'uocchie tuie curvine
e chesta chioma nera e avvellutata
pare na massa 'e file 'e seta fine.

Gnernò, nun sì na femmena,
tu sì na cesta 'e rose
sì nu canisto 'e fravule addirose;
Gnorsì, te l'aggia dicere
ca 'nterra sì na stella
tu sì na scarda 'e femmena,
sì troppo bella, bella ojnè.

'A primma vota ca t'aggio 'ncuntrata
nu lampo me sentette 'e venì 'mpietto
e 'ncapa a mme penzaie mo chisto è stato
'o Pateterno a farme stu dispietto.

Gnernò, nun sì na femmena,
tu sì na meraviglia
ma comm' 'a fatto mammeta sta figlia;
Gnorsì, te l'aggia dicere
ca sì na melodia
tu sì 'a cchiù bella musica,
d' 'a vita mia, spusate a mme.

S'io fossi 'o presidente 'e na giuria,
senza pensarce 'ncoppa t'eleggesse
l'unica Miss 'e tutta 'a vita mia
e forte dint' 'e braccia t'astrignesse.

Gnernò, nun sì na femmena,
tu sì na tentazione
si 'nu supplizio sì na dannazione;
Gnorsì, te l'aggia dicere
ca sì na calamità peggio d' 'a bomba atomica
me lieve 'a vita, crideme a mme.


Non si na femmina