PE' VINT' ANNE

(A. De Curtis)



Se dice 'a mala nova 'a porta 'o viento,
e 'o viento pe vint'anne m'ha purtato.
Diceva 'a mala nova, ogne mumento,
c' 'a fine 'e chist'ammore era accussì.

Pe vint'anne aggio chiagnuto
tanta lacreme e dulore,
pe vint'anne aggio purtato
mille spade dint' 'o core.

Chistu core sempe amante
'nnamurato comm'a che,
chistu core sanguinante
c'ha vuluto bene a te.

Femmena 'e tradimento e senza core
cu mmico nun si stata maie sincera:
tutt'aggio suppurtato pe st'ammore
vint'anne 'ncroce m' he 'nchiuvato tu.

Pe vint'anne aggio chiagnuto
tanta lacreme 'e dulore,
pe vint'anne aggio purtato
mille spade dint' 'o core.

Chistu core sempe amante
innamorato comm'a che,
chistu core sanguinante
c'ha vuluto bene a te.

Chistu core sanguinante
ca vo bene ancora a te.
Scordatella core amante
chella nun è degna 'e te.

pe vint anne logo