PICCERELLA NAPULITANA (PICCERELLA PICCERÈ)

(Antonio De Curtis - M. Cuzzoli - 1961)



Si nata comme a me napulitana
ma 'mpietto tien' 'o core furastiero,
mo c' 'o blue-jeans fai l'americana
e t' he 'mparata a ddì pure "i love you".

Piccerè, piccerè,
tu si nata dint' 'o vico 'e Scassacocchio,
Piccerè, piccerè,
nun te credere ca i' sò nu battilocchio.
I' te saccio e te strasaccio,
tu si 'a figlia 'e Mastu Ciccio
ca venneva int' 'a Arenaccia
pesce fritto e baccalà
mo vuò fà Miss Universo,
tu si nata 'o mese 'e marzo,
sient' a me ca è tiempo perzo,
va, vattene addu mammà.

Piccerè, piccerè,
cagne strada, cagne strada,
siente a me.

Vuò fà tremila cose ogne mumento,
c' ' o motoscafo 'o sci pe 'ncoppa all'acqua,
'o sabato po' vai a fa' 'o week-end
e te trattiene fin' 'o lunnedi.

Piccerè, piccerè,
tu si nata dint' 'o vico 'e Scassacocchio,
Piccerè, piccerè,
nun te credere ca i' sò nu battilocchio;
i' te saccio e te strasaccio,
tu si 'a figlia 'e Mastu Ciccio
ca venneva int' 'a Arenaccia
pesce fritto e baccalà
mo vuò fà Miss Universo,
tu si nata 'o mese 'e marzo,
sient' a me ca è tiempo perzo,
va, vattene addu mammà

Piccerè, piccerè,
cagne strada, cagne strada,
siente a me.


Piccirella napulitana