ME SONGO ANNAMMURATO
Antonio de Curtis, 1952
Mi sono innamorato
Comm'è limpida 'sta fronte, porcellana trasparente,
statuetta 'e Capemonte comme 'o sole è stralucente
e guardanno 'stu splendore, manammè, me sò accecato,
s'è appicciato chistu core e me songo annammurato.
Me songo annammurato embè che nc'aggia fà,
me songo annammurato e m' 'a voglio spusà.
Nun mangio cchiù, nun bevo cchiù, nun dormo cchiù,
nun esco cchiù, nun traso cchiù, nient'atu cchiù.
Me songo annammurato embè che nc'aggia fà,
me songo annammurato e m' 'a voglio spusà.
Tengo pronto 'o letto 'e sposa, na cuperta tutta 'e raso
ddoie lenzola 'e seta rosa comm' 'e rose dint' 'o vaso,
nu quartino a Capemonte, tengo pure 'a Topolino,
tutt' 'e carte già sò pronte, 'nce spusammo a San Martino.
Me songo annammurato embè che nc'aggia fà,
me songo annammurato e m' 'a voglio spusà.
Nun mangio cchiù , nun bevo cchiù , nun dormo cchiù
nun esco cchiù , nun traso cchiù , nient'atu cchiù.
Me songo annammurato embè che nc'aggia fà,
me songo annammurato e m' 'a voglio spusà.
